Aklanon huli sa buy bust operation sa Dumaguete City

Ni: Mary Hope Zonio

KALIBO, Aklan- Kalibo Aklan—–Tinatayang aabot sa  P380,000 pesos ang kabuuang halaga ng suspected shabu na nakuha sa isang kinukunsiderang prominenteng tao sa Aklan matapos ang isinagawang drug buy bust operation ng Dumaguete City Drug Enforcement Unit (CDEU).

Kinilala ng CitDumaguete CDEU ang  itinuturing na ‘High Value Target’ na si Genie Mobo, 41-anyos at tubong Brgy. Poblacion, Makato, Aklan.

Ang nasabing operasyon ay ginanap sa Zone 4, Brgy. Looc, Dumaguete City noong Agosto 25, 2022. Base sa record, napag-alaman na si Mobo ay kilalang tao sa lalawigan dahil na rin sa mga kinasasangkutan na iba’t ibang kaso.

Patuloy naman ang isinasagawang imbestigasyon ng awtoridad sa nasabing insidente.