Limang rider sa Aklan, kinasuhan ng Anti-Drunk Driving

Ni: Mary Hope Zonio

Umabot sa limang mga rider mula sa ibat ibang bayan sa Aklan ang nahaharap sa kasong paglabag sa Anti-Drunk Driving Operations. Eto ay kasunod ng isinagawang operasyon ng Land Transportation Office o LTO-Aklan at Aklan Police Provincial Office o APPO.

Kumakailan lang ay lumalabas sa datos na bumaba ang bilang ng mga naitalang aksidente dahil sa pagmamaneho ng lasing matapos ang isinagawang Anti-Drunk Driving Operations.

Napag-alaman na ang APPO ay nagtalaga ng mga police personnel upang higit na ipatupad ang nasabing panuntunin.

Dahil dito, muling nagpaalala si Engr. Malon Velez, hepe ng LTO-Aklan sa lahat ng mga motorista na iwasan ang pagmamaneho ng lasing upang maiwasan ang anumang klase ng aksidente.