Nasa P6.4M nga Basic Access Projects gin turn over sa Libacao, Aklan

Libacao, Aklan- Nagturn-over sang P6.4 milyon nga bili sang proyekto ang Department of Social Welfare and Development (DSWD) KALAHI-CIDSS (Kapit-Bisig Laban sa Kahirapan-Comprehensive and Integrated Delivery of Social Services) sa Libacao, Aklan.

Ang 7 ka subproject ang nahamtang sa mga barangay sang Dalagsaan, Casit-an, Magugba, Oyang kag Pinonoy para sa concreting sang access pathway, Manika para sa concreting sang river bank protection, kag Poblacion para sa construction sang access pathway with drainage.

Naghatag sang P5.4 milyon ang KALAHI-CIDSS samtang ang ang lokal nga pangulohan naghatag sang masobra P985 mil para sa konstruksyon kag pagkumpleto sang mga basic access projects.

Ginpahayag ni DSWD 6 Assistant Regional Director for Operations Arwin Razo nga ang basic access projects nga ginprioritize sa pundo sang KALAHI-CIDSS ang gintumod sang tagsa ka barangay kag indi sang social welfare agency para masabat ang ila kinahanglanon.

Ang paghuman sang mga proyekto ang makasabat sa problema sa pagtransport sang produkto pakadto sa mercado publiko kag access sa mga estudyante pakadto sa mga buluthuan.

Ang KALAHI-CIDSS nakahatag na sang P143.8 milyon nga community projects kag trainings sa Libacao halin sang 2011 tubtob karon.

Ang Libacao kag Madalag ang pilot areas sang KALAHI-CIDSS sa Aklan nga may grant halin sa Millennium Challenge Corporation (MCC).l Merianne Grace Ereñeta, RP1 Iloilo