Isang Pagpupugay Kay MVP Baterbonia

Ni: Shaine Sorossa

Isa sa mga eksenang tumatak sa puso ng mga nakiramay ay ang isang lalaki na buong pagmamalaking bitbit ang watawat ng Pilipinas habang tumatakbo kasabay ng huling paglalakbay ni MVP Rene Baterbonia 2.0 .

Mula sa Talacogon Covered Court hanggang sa kanyang himlayan, hindi alintana ng lalaki ang pagod at init ng panahon upang maipakita ang kanyang paggalang at suporta sa yumaong manlalaro. Ang pagwawagayway ng pambansang watawat ay naging simbolo ng pagkilala sa inspirasyong iniwan ni Rene sa maraming Pilipino.

Marami ang humanga sa kanyang sakripisyo at dedikasyon, na anila’y isang simpleng ngunit makabuluhang paraan ng pagbibigay-pugay sa isang atletang minahal at hinangaan ng marami.

Ang tagpong ito ay nagsilbing paalala na ang alaala ni MVP Rene Baterbonia 2.0 ay patuloy na mabubuhay sa puso ng kanyang mga tagasuporta at ng sambayanang kanyang nabigyang-inspirasyon.