Lifestyle
Outreach program ng Alta Vista de Boracay, naghatid ng saya sa mga katutubong ati
Boracay Island- Bilang bahagi ng kanilang adbokasiya sa serbisyong pangkomunidad, nagsagawa ang Alta Vista de Boracay ng isang outreach program para sa Ati community noong Disyembre 27, 2026 sa Ati Village, Barangay Manoc-Manoc, Boracay Island.
Sa pangunguna ni Sister Elvie at sa pakikilahok ng mga kawani ng Alta Vista de Boracay, pinangunahan ang aktibidad nina Rayhana B. Almalbis, Hotel Manager; Shaine Sorrosa, Purchasing/Marketing Staff; Novelyn Didal, Administrative Assistant; Jenelyn Aguirre, Concierge; at Joseph Dayapan, Engineering Administrative Assistant.
Nagkaroon ng mga palaro at masayang aktibidad para sa mga batang Ati at kanilang mga ina. Isinagawa rin ang isang talakayan kung saan nagkaroon ng pagkakataon ang mga miyembro ng komunidad na ibahagi ang kanilang mga saloobin, pangangailangan, at mga hangarin para sa kanilang kinabukasan.
Ang outreach program ay isinagawa sa diwa ng pagbabahagi at pasasalamat ngayong kapaskuhan, bilang pagkilala sa Ati community bilang mga unang nanirahan sa Boracay. Layunin din nitong patibayin ang ugnayan sa pagitan ng sektor ng turismo at ng lokal na komunidad, na mahalagang bahagi ng kultura at kasaysayan ng isla.
