Ni: Shaine Sorrosa
Ibajay, Aklan- Isang kahanga-hangang tagumpay ang naiuwi ng mga batang manlalaro mula sa Jose Doromal Taekwondo Gym โ Ibajay Branch matapos nilang makasungkit ng sunod-sunod na medalya sa ginanap na Taekwondo Competition noong Hulyo 19, sa Binarayan Sports Complex Gymnasium, San Jose, Antique.
Nanguna sa listahan ng mga medalist si Justine Carl Perucho, 10 taong gulang at Grade 6 student ng St. Peter Parochial School, na nagtamo ng Gold Medal sa Poomsae category. Sa ilalim ng masusing pagsasanay sa J. Doromal Taekwondo Gym, ipinamalas ni Justine ang disiplina, pino at tamang porma, at matatag na determinasyonโna siyang nagdala sa kanya sa rurok ng tagumpay.
Hindi lang si Justine ang nagningning. Ilan pa sa kanyang mga kasamahan sa Poomsae category na nakapag-uwi ng medalya ay sina:
Poomsae Category โ
Avegail Solano โ Silver Ardrich Raigne Lim โ Silver Ysamiah Kyrie Enerio โ Silver Jhon Anthony Aqueous Enerio โ Silver Zeus Zein-Gie J. Casimero โ Silver Luigi C. Belinario โ Silver Trevor O. Baldisimo โ Silver
Charles Aiden Visaya โ Bronze Leandro Miguel Inocencio โ Bronze Darrelle Bandiola โ Bronze Geanne Inguillo โ Bronze Leonardo III E. Segovia โ Bronze
Samantala, si John Matthew Calizo ay nagpakita rin ng kahusayan sa Kyurugi category at nagwagi ng Silver Medal. Sa matinding palitan ng galaw at puntos, pinatunayan niya ang kanyang lakas ng loob, bilis, at determinasyon sa laban.
Ang tagumpay na ito ay bunga ng disiplina, dedikasyon, at walang sawang suporta ng mga magulang at coaches ng Jose Doromal Taekwondo Gym โ Ibajay Branch. Plano na rin ng kanilang grupo na lumahok sa mga susunod na kompetisyon gaya ng Municipal Meet at Provincial Meet, upang patuloy na mahasa ang talento ng mga batang manlalaro.
