Latest News
Netizen pinasalamatan si PEMS Pontoy dahil sa good deeds
KALIBO, Aklan- Pinasalamatan ng isang netizen ang good deeds o mabuting kawang gawa ni Police Executive Master Sergeant Michael Pontoy ng Aklan Provincial Police Office (APPO) na base sa Camp Pastor Martelino sa Barangay New Buswang Kalibo, Aklan.
Ayon sa facebook post ni John Flores, ng Nabas, Aklan tinulungan daw ng butihing pulis ang bayarin sa pagpapaospital at burol ng namayapang tiyahin. Bagaman hindi sinabi kung magkano ang itinulong ni PEMS Pontoy, sinabi ni Flores na nakatulong daw eto lalo na sa kaniyang pagbabayad ng mga utang bunsod ng pagpapa hospital.
Hiningan daw nila ng tulong ang nasabing butihing pulis ng makilala nila ang mga eto habang bumibisita sa hospital.
Kung matatandaan, noong taong 2014, kinilala si PEMS Pontoy bilang isa sa sampung Country’s Outstanding Police Officer (COPS) ng Philippine National Police sa pakikipagtulungan ng Metrobank Foundation.
Maliban kay PEMS Pontoy, kasama rin niyang pinarangalan dahil sa kanilang kagitingan sa serbisyo ay silaย Police Officer 3 Comet Dimla Dumangeng ngย Police Community Relations Desk, Sta. Rita, Pampanga; Police Senior Superintendents Cedrick Train, deputy regional director for Administration (DRDA), Police Regional Office (PRO) 8 kasama si Rodelio Jocson, Maguindanano Police Provincial Office (PPO), Armm; Police Chief Inspectors Byron Allatog, La Trinidad Municipal Police Station (MPS) at Reynald Ariรฑo, 5th Special Action Batallion, PNP-Special Action Force, Zamboanga City; Senior Police Officers 1 Reynaldo Solante, Cebu PPO, Cebu City, PRO 7; at Rey Sarcon magmula sa PRO 3; Police Officers 3 Alexander Fazon Jr., PRO 13;ย at Police Officer 2 Ashear Ismael, Regional Public Safety Batallion 9, Zamboanga City, PRO 9.
