𝗔𝗸𝗹𝗮𝗻𝗼𝗻 𝗦𝗼𝗰𝗶𝗮𝗹 𝗪𝗼𝗿𝗸𝗲𝗿, 𝗜𝘁𝗶𝗻𝗮𝗹𝗮𝗴𝗮 𝗕𝗶𝗹𝗮𝗻𝗴 𝗡𝗮𝘁𝗶𝗼𝗻𝗮𝗹 𝗕𝗼𝗮𝗿𝗱 𝗼𝗳 𝗗𝗶𝗿𝗲𝗰𝘁𝗼𝗿 𝗻𝗴 𝗔𝗠𝗦𝗪𝗣𝗜

Ni: Shaines Sorrosa

Malay, Aklan- Isang bagong karangalan ang inani ng lalawigan ng Aklan matapos italaga si Eya Grestar Franco, isang Registered Social Worker ng Malay Municipal Hospital, bilang National Board of Director ng Association of Medical Social Workers of the Philippines, Inc. (AMSWPI).

Sa isang opisyal na post sa kanyang Facebook page, buong puso ang naging pagbati ni Governor Jose Enrique M. Miraflores sa tagumpay ni Franco. Ayon sa gobernador, ang naturang appointment ay hindi lamang personal na tagumpay ni Franco, kundi isang karangalan para sa buong lalawigan ng Aklan.

“𝑴𝒂𝒃𝒂𝒉𝒐𝒆 𝒏𝒈𝒂 𝒌𝒂𝒅𝒖𝒏𝒈𝒈𝒂𝒏𝒂𝒏 𝒑𝒂𝒓𝒂 𝒔𝒂 𝒑𝒓𝒐𝒃𝒊𝒏𝒔𝒚𝒂 𝒊𝒕 𝑨𝒌𝒍𝒂𝒏! 𝑪𝒐𝒏𝒈𝒓𝒂𝒕𝒖𝒍𝒂𝒕𝒊𝒐𝒏𝒔 𝒌𝒂𝒚 𝑬𝒚𝒂 𝑮𝒓𝒆𝒔𝒕𝒂𝒓 𝑭𝒓𝒂𝒏𝒄𝒐…,” 𝒔𝒂𝒂𝒅 𝒏𝒈 𝒈𝒐𝒃𝒆𝒓𝒏𝒂𝒅𝒐𝒓 𝒔𝒂 𝒌𝒂𝒏𝒚𝒂𝒏𝒈 𝒎𝒆𝒏𝒔𝒂𝒉𝒆.

Bilang bahagi ng national board ng AMSWPI, inaasahan si Franco na makikibahagi sa paghubog ng mga polisiya at programa na may kinalaman sa medical social work sa buong bansa. Ito ay patunay ng kanyang kahusayan, dedikasyon, at integridad sa propesyon.

Ang Association of Medical Social Workers of the Philippines, Inc. ay isang pambansang organisasyon ng mga social worker na nakatalaga sa mga institusyong medikal, layuning itaguyod ang kapakanan ng mga pasyente at palakasin ang ugnayan ng propesyon sa larangan ng kalusugan at serbisyong panlipunan.