𝐓𝐨𝐩 𝟑 𝐌𝐮𝐧𝐢𝐜𝐢𝐩𝐚𝐥 𝐚𝐭 𝐓𝐨𝐩 𝟗 𝐏𝐫𝐨𝐯𝐢𝐧𝐜𝐢𝐚𝐥 𝐌𝐨𝐬𝐭 𝐖𝐚𝐧𝐭𝐞𝐝 𝐏𝐞𝐫𝐬𝐨𝐧, 𝐀𝐫𝐞𝐬𝐭𝐚𝐝𝐨 𝐬𝐚 𝐁𝐨𝐫𝐚𝐜𝐚𝐲 𝐬𝐚 𝐌𝐠𝐚 𝐊𝐚𝐬𝐨𝐧𝐠 𝐑𝐚𝐩𝐞

Boracay— Arestado ng mga awtoridad ang isang lalaking nakatala bilang Top 3 Municipal-Level at Top 9 Provincial-Level Most Wanted Person matapos matunton sa Sitio Ambulong, Barangay Manocmanoc, Boracay Island, Malay, Aklan, dakong alas-6:18 ng gabi noong Setyembre 7, 2026.

Kinilala ang akusado sa alyas na “Jerry,” 33 taong gulang, binata, freelance tour guide, at residente ng Barangay Manocmanoc, Malay, Aklan.

Naaresto siya sa bisa ng Warrant of Arrest na inisyu ng Regional Trial Court, Sixth Judicial Region, Branch 3, Kalibo, Aklan, noong Setyembre 2, 2026.

Nahaharap ang akusado sa tatlong bilang ng Qualified Rape of a Minor sa ilalim ng Article 266-A, Paragraph 1(d), kaugnay ng Article 266-B ng Revised Penal Code, na inamyendahan ng Republic Act No. 11648. Walang inirekomendang piyansa para sa pansamantalang paglaya ng akusado sa mga kasong ito.

Nahaharap din siya sa dalawang bilang ng Statutory Rape, kung saan itinakda ng korte ang piyansang PhP36,000.00 sa bawat kaso.

Nanguna sa operasyon ang Malay Municipal Police Station, katuwang ang Aklan Police Provincial Office Tracker Team, Provincial Intelligence Unit ng Aklan PPO, at Regional Intelligence Unit ng Police Regional Office 6.

Ang akusado ay pansamantalang nasa kustodiya ng Malay MPS para sa kaukulang booking procedures at kasunod na pagharap sa korte kung saan nakabinbin ang mga kaso.

“Sa pamamagitan ng masusing intelligence gathering, koordinasyon, at mabilis na police action, patuloy nating pinatutunayan na walang ligtas na taguan para sa mga wanted person. Ang batas ay mananaig, at ang hustisya ay ating ipaglalaban,” pahayag ni Police Brigadier General Randulf T Tuaño, Regional Director ng PRO6.

Hinikayat din ng PRO6 ang publiko na patuloy na makipagtulungan sa mga awtoridad at agad na ipagbigay-alam sa pinakamalapit na himpilan ng pulisya o sa 911 ang anumang impormasyon hinggil sa kinaroroonan ng mga wanted person sa kanilang komunidad.

Patuloy na paiigtingin ng PRO6 ang intelligence-driven manhunt operations at koordinasyon ng mga police units bilang bahagi ng RESPONSIVE, TRUSTED, and TRANSFORMATIVE POLICING for a Safer Western Visayas, alinsunod sa bisyon ng Philippine National Police na “BAGONG PNP PARA SA BAGONG PILIPINAS: SERBISYONG MABILIS, TAPAT, AT NARARAMDAMAN.”

(PNP-RPIO6)

#𝗥𝗲𝘀𝗽𝗼𝗻𝘀𝗶𝘃𝗲𝗧𝗿𝘂𝘀𝘁𝗲𝗱𝗧𝗿𝗮𝗻𝘀𝗳𝗼𝗿𝗺𝗮𝘁𝗶𝘃𝗲𝗣𝗼𝗹𝗶𝗰𝗶𝗻𝗴
#𝗧𝗼𝗦𝗲𝗿𝘃𝗲𝗮𝗻𝗱𝗣𝗿𝗼𝘁𝗲𝗰𝘁
#𝗕𝗮𝗴𝗼𝗻𝗴𝗣𝗡𝗣𝗽𝗮𝗿𝗮𝗦𝗮𝗕𝗮𝗴𝗼𝗻𝗴𝗣𝗶𝗹𝗶𝗽𝗶𝗻𝗮𝘀